Aznil Nawawi

Datuk Aznil bin Haji Nawawi (penenakan 6 November 1962), lebi tekilo ko' penggilan Pak Nil. Iyo tu dangan pengecara, pelakun, pengara, pelego', penghibur ko' ngeyampai redio ta' Malaysia. Iyo boi mediam bidang pengacaraan tu lebih dari 26 taun. Iyo tu dangan ngentan Ijazah Sarjana Muda Ekonomi lua' Universiti Malaya. Iyo boi mula kerejoon siaran ni diom taun 1990 jadi meteko abar ko wartawan ta' rangkaian televisyen swasta Malaysia, TV3. Masa ni engko' TV3, antara ransangan boi ni urus le' ni iyo no Buletin Utama (jadi dangan meteko berita), Melodi ko' Pop Kuiz. Beta taun 1996, iyo ngelancar dikau album bau ni Macam-Macam ta' media' Syarikat rakaman Pony Conyon. Diom kerejoon lakunan ni, iyo boi ngebintang dangai kredit filem dokon Sama Tak Serup (1995), Aku No.1 (2004), Cicak-Man (2006) ko' Magika(2010). Iyo nianugera moko' gelaran kehormat Datuk oleh Yang Di-Pertuan Agong sempena Hari Wilayah Persekutuan taun 1 Februari 2013. Diom kerjayanya mediam bidang penyiaraan. Iyo ai kule' iko anugera ko' peenghargaan posok no Anugerah Bintang Popular Berita Harian bagi Pengacara TV Dela popular ko' iko lagi boi kule' ni diom selangkau kerejoon ni.

Meluar bidang seni, Aznil pan nuut diom iko asara amal,Kempen ko' aktiviti kebajikan iyo no Kempen Jom Ganyang Aedes anjuran Kementerian Kesihatan Malaysia. Aznil boi nilantik jadi dangan Duta Perpaduan bersomo Dato' Sri Siti Nurhaliza le' Yayasan Budi Penyayang Malaysia, Duta sihat 1Malaysia, ko' Ikon cinta Malaysia le' Lembaga Hasil Dalam Negeri.